Arduino Programming මුල සිට සරළව

Arduino කියන්නෙ LED එකක් දල්වන තැන සිට රොබෝ කෙනෙක් හෝ ඊටත් වඩා සංකීර්ණ නිර්මාණයක් කිරීමට හැකි කුඩා පරිපථයකි. ඉතින් ඉලෙක්ට්‍රොනික තාක්ශණය, රොබෝටික්ස් වලට එහෙම කැමති අයට මේක වටිනා අවස්ථාවක්. Programming කිව්වට මෙතනදි සරළ Keywords ගණනාවක් 32KB වැනි (වර්ගය අනුව මෙය වෙනස් වේ) මතකයක ලියලා තමයි හැමදේම කරන්න තියෙන්නෙ.


WHAT IS ARDUINO?

Arduino is an open-source electronics platform based on easy-to-use hardware and software. It's intended for anyone making interactive projects.

 ARDUINO යනු? 

Arduino යනු නිදහස් මෘදුකාංග මත පදනම් වූ ඉලෙක්ට්‍රොනික වේදිකාවකි.මෙය පහසුවෙන් භාවිතා කළ හැකි මෘදුකාංග හා දෘඩාංග අඩංගු මත පදනම් වේ. ඕනෑම කෙනෙකුට කැමති අකාරයෙන් ව්‍යාපෘති කිරීමට සෑදූවකි.

 එතකොට ඔය Arduino කියන්නෙත් අර PIC කියන Program කරන්න පුළුවන් IC එකක්ද?
බැලූ බැල්මටම පේනවානෙ යාලුවනේ මෙතන IC එකකට වඩා යමක් තියෙනවා කියලා. PIC කියන්නෙ Micro controller එකක් විතරයි.ඒත් Arduino කියන්නෙ prototyping platform එකක්. ඉතින් Arduino එකේ Micro controller එකක් වගේම බල සැපයුමක් (Power Supply) හා පරිගණකය සමඟ USB හරහා සම්බන්ධවීමට USB-Serial පරිවර්ථකයක්ද අන්තර්ගත වෙලා තියෙනවා.ඉතින් USB එකෙන් Arduino එකට Code එක දාලා USB නැතුව වෙනම භාවිතා කරන්න.

http://www.arduino.cc/ තවත් තොරතුරු අවශ්‍ය නම් වෙබ් අඩවියෙ තියෙනවා. ඒ වගේම වෙළඳපොලේ විවිධ වර්ගයේ Arduino Board තියෙනවා. කොහොම වුනත් අලුතෙන්ම මේ වැඩේ කරන්න යන කෙනෙක්ට වඩාත් සුදුසුම හා ලබදායිම Board එක තමයි Arduino UNO කියන්නෙ.

එතකොට ඔය Board එක ගන්න තියෙන්නෙ කොහෙද?

Arduino සහ ඊට අදාල උපාංග මිළදී ගැනීම ඔබටත් ගැටලුවක් වූයේ නම් පහත ස්ථාන හා සේවා මඟින් එම ගැටලුව විසඳාගත හැක.

ශ්‍රී ලංකාවේ තිබෙන අලෙවිසැල්

• Unitech Trading (Pvt) Ltd - පළමු හරස් වීදිය, කොටුව,01100
• මාතර තරංග ඉලෙක්ට්‍රොණික්ස්

මේ හැරුණුකොට ශ්‍රී ලංකාව තුළ තිබෙන Online ක්‍රමයට නිවසටම ගෙන්වාගත හැකි සේවාවන්

• Arduino Shop - https://www.facebook.com/ArduinoShopLK
• Lanka Tronics - www.lankatronics.com/lakduino.html
• Senith Electronics - https://www.facebook.com/senithelectronics

ශ්‍රී ලංකාවෙනි පිටත

• eBay - http://www.ebay.com/bhp/arduino

මේ හැරුණු කොට ඔබ දන්නා ස්ථාන වෙතොත් අන් අයටත් දැනගැනීම පිණිස පහතින් Comment කරන්න

2014 Dec. 1වනදා Ebay වලින් Order කරපු මේ Board එක http://www.ebay.com/itm/281399903526 අද තමයි මගෙ අතට ලැබුණෙ.

දැන් නම් ඔය වගේ China board 5$ සිට ඉහළට තියෙනවා. හොඳම එකක් නම් 20$ පමණ වෙනවා.
E-bay ගැන දන්නෙ නැත්නම් මෙන්න ඒ ගැන සම්පූර්ණ විස්තරයක් - http://softpedialk.blogspot.com/2013/10/ebay.html

Arduino වල තියෙන Programming Language එක ගැන කිව්වොත්?
මෙහිදී භාවිතා වන්නේ C Language එකට සමාන භාශාවකි. නමුත් අපිට මේ ආකාරයෙන් Program කරපු Arduino එක VB, C# වගේ Program එකක් සමඟද සම්බන්ද කරන්න පුලුවන්.

Arduino එකෙන් පාලනය වන කුඩා Robot කෙනෙක්

Arduino එකෙන් පාලනය වන Quadcoptor එකක්

Arduino සමඟ LCD
ඔය Board එකෙන් පුලුවන්ද රොබෝ කෙනෙක්ව හදන්න?
ඔව් ඒත් Board එක විතරක් තිබුණට මදි, මොකද අපි කරන්න යන නිර්මාණයෙදි විවිධ ආදාන හා ප්‍රතිදාන (Input/output) ලබාදෙන්න සිද්ධ වෙනවා. ඉතින් මේ Board එකට සම්බන්ධ කරන විවිධ Sensors එහෙම තියෙනවා.
උදා:- උශ්ණත්වයට අනුව ක්‍රියාකරන පරිපථයක් සාදන්නේ නම් උශ්ණත්ව සංවේදකයක් අවශ්‍ය වෙනවා.

යමක් Display කිරීමට් අවශ්‍යනම් කුඩා LCD එකක් අවශ්‍ය වෙනවා.

අන්තර්ජලය හරහා යමක් පාලනය කරනවානම් Ethernet Shield එකක් අවශ්‍ය වෙනවා.

දුර මැනීමක් කරන්න වෙනවානම් Ultrasonic Sensor එකක් ගන්න පුළුවන්.
මම පළවෙනි Code එක සාර්ථකව Arduino එක හරහා අත්හදා බැලුවා.

ඉදිරි ළිපි වලදි Sensors ගැන වැඩි විස්තර කියන්නම්.
ගැටලු එහෙම තියෙනවානම් Comment කරන්න. යාලුවන්ගෙන් ලැබෙන සහයෝගයත් එක්ක ඉදිරියට මෙමඟින් Programming කරන හැටි කියලා දෙනවා.
Facebook Group එකක් තියෙනවා මේ ගැන උනන්දු අයට මෙන්න Arduino Programming LK